Një grup i paidentifikuar hakerësh kishin nisur një sulm masiv kibernetik ndaj një kompanie telekomunikacioni në qendër të SHBA-së në fund të vitit të kaluar që çaktivizoi qindra mijëra ruterë interneti, sipas një hulumtimi të botuar të enjten.
Sipas mediave të huaja, incidenti i tetorit, i cili nuk u zbulua në atë kohë, preku duke i nxjerrë jashtë linje më shumë se 600,000 ruterë interneti.
Ekspertët e pavarur thanë se dukej se ishte një nga sulmet kibernetike më serioze ndonjëherë kundër sektorit të telekomunikacionit të Amerikës.
Studiuesit thanë se hakerët instaluan softuer dëmtues që ndërprenë qasjen në internet nga 25 deri më 27 tetor në shumë shtete të Midwest.
Analistët gjetën malware, i cili vazhdoi të qarkullonte, në internet muaj më vonë përmes lidhjeve të caktuara të skedarëve që hakerët i lanë të dukshme.
Raporti nuk përmend emrin e kompanisë që u sulmua. As nuk ia atribuoi veprimin një vendi apo grupi të njohur.
Studiuesit thanë se “diversantët” përdorën metoda të zakonshme që e bënë më të vështirë identifikimin e tyre. /Telegrafi/